كود مراكش//
علمت “گود” من مصدر مطلع، أن منتخبون بإقليم آسفي، كاعيين على وزير الصحة والحماية الاجتماعية أمين التهراوي، بسبب البلوكاج لي كيعيشو مستشفى عائشة للي تعطات الانطلاقة الفعلية ديالو ف يناير 2033 ودبا مزال مخدامش كامل.
هادي يومين تقريبا، خرج فيديو كيفضح تأخر هاد السبيطار، بحيث خاطب سمير كودار رئيس مجلس جهة مراكش آسفي، مندوب الصحة بإقليم آسفي، بالقول: “حشومة مستشفى عائشة خسرنا عليه عشرين مليار وميخدمش”.
سبيطار “عائشة” بمدينة آسفي كيعيش الإهمال، واخا فيه تجهيزات مهمة ومتطورة، وتحول لسبيطار ديال الأشباح.
هاد السبيطار كان دار من طرف مؤسسة جاسم وحمد بن جاسم الخيرية القطرية، في إطار شراكة مع وزارة الصحة والحماية الاجتماعية، وبتنسيق مع جهة مراكش-آسفي، تصل طاقته الاستيعابية إلى 45 سريرا، ويضم أربع تخصصات حيوية: المستعجلات، طب الأطفال، الولادة، وقسم الجراحة.
وكان الهدف من هاد السبيطار لي دار بتمويل مالي كبير هو تحسين جودة الخدمات الصحية بالمنطقة، وتخفيف العبء عن المستشفى الإقليمي محمد الخامس، للي كيعاني من ضغط كبير ونقص في الموارد البشرية والتجهيزات.
دبا سبيطار زوين وفيه تجهيزات طبية حديثة وبنية تحتية متطورة، ف أغلب التخصصات مخداماش إلى اليوم.
وزير الصحة أمين التهراوي، تلقا مراسلات وسبق سولو رئيس الجهة حول هاد السبيطار وعلاش التعطال فيه.