وكالات//

واحد الإعلان الساخر اللي دار البوز فمواقع التواصل الاجتماعي ففرنسا خلا الناس يضحكو بزاف وخلق الجدل، حيث كيعلن على دورات ديال “الدفاع على النفس” موجهة للرجال اللي كيتعرضو للضرب من طرف عيالاتهم، فإشارة ساخرة للرئيس الفرانساوي إيمانويل ماكرون.

الإعلان بان بحال إلى تصور فشي صال ديال السبور ففرنسا، وكان فيه واحد الجملة كتقول: “مراتك كَتضربك؟ تسَجّل فدورات الدفاع على النفس!”، ومعاها دعوة باش يتاصلو الناس بالإدارة باش يعرفو تفاصيل كثر.

اللي زاد الطين بلة، هو الصورة اللي كانت مع الإعلان، فيها ماكرون وعينو مغطية وباين على جبينو كدمة، وكأنو كيتعرض للعنف العائلي.

هاد السخرية جات من بعد لقطة تصورات فنهار 25 ماي ففيتنام، ملي كان ماكرون نازل من الطيارة مع مراتو بريجيت، والكاميرا شدات يد باين بحال إلا كتصرفقو على وجهو.