وكالات//

نايضا منافسة سخونة بين القصر ديال العائلة الملكية البريطانية والأميرة ميغان ماركل، مرات الأمير هاري، والسبب هو: الكونفيتور.

فبعد أيام قليلة من ما طلقات ميغان ماركل الماركة الجديدة ديالها ديال الكونفيتير، ناض القصر حتى هو وبدا كيروج للكونفيتور الجديد ديلاو ديال المشماش.

شهر مارس لي فات علنات ماركل أنها غادي تطلق الماركة ديالها ديال الماركات وأسلوب الحياة لي سميتها Riviera Orchard.

ومباشرة بعدما حطات الاشهار ديالها وتبعها القصر ردو الناس البال، ولاحظو أنه كاين بصح تنافس بيناتهم.

ومعروف ان القصر ماعندوش بزاف مع ميغان ماركل لي كيتاهموها أنها هي لي خرجات الأمير هاري من القصر وبعداتو على العائلة.