الرئيسية > آش واقع > ناظوري جاب الربحة. بارطاجا فيديو فيه معلومات كاذبة على كورونا والبوليس زفو عليه
24/03/2020 21:52 آش واقع

ناظوري جاب الربحة. بارطاجا فيديو فيه معلومات كاذبة على كورونا والبوليس زفو عليه

ناظوري جاب الربحة. بارطاجا فيديو فيه معلومات كاذبة على كورونا والبوليس زفو عليه

كود الناظور//

لابيجي دالناظور، شدات منتصف نهار اليوم الثلاثاء، شاب فعمرو 29 سنة، وذلك للاشتباه فتورطه فنشر مقطع فيديو، فيه معطيات كاذبة حول كورونا (كوفيد – 19).

البلاغ ديال المديرية العامة للأمن الوطني، قال أنه حسب المعلومات الأولية للبحث، فإن المشتبه فيه اللي عندو صفحة على موقع التواصل الاجتماعي فايسبوك، كان نشر شريط فيديو قديم كيوثق لأعمال شغب وقعات فالعيون في يوليوز من السنة اللي فاتت، في أعقاب مباراة لكرة القدم، مع تذييله بتعليقات كاذبة تزعم بأن أعمال الشغب تتعلق بخرق حالة الطوارئ الصحية بمدينة طنجة عقب التجمهرات التي سجلتها بعض الأحياء السكنية ليلة السبت المنصرم.

وقد تم – حسب البلاغ – الاحتفاظ بالمشتبه فيه تحت تدبير الحراسة النظرية، رهن إشارة البحث الذي تشرف عليه النيابة العامة المختصة، وذلك لتحديد كافة الظروف والملابسات والخلفيات المحيطة بارتكاب هذه الأفعال الإجرامية.

موضوعات أخرى

10/04/2020 19:00

تقرير وزارة الصحة على كورونا: التحليلات اللي كتدار قليلة باش نعرفو كيفاش غادي تطور الحالة الوبائية.. ويقدر يبقى الفيروس حتى لـ4 شهور فالمغرب..ويعمرو السبيطارات.. ولكن عطلنا انتشارو بزاف بالإجراءات اللي درنا