الرئيسية > تبركيك > ناض عليه صداع كبير والمصريين مابغاوهش.. حفل سعد المجرد فمصر تلغى بسبب اتهامو بالاغتصاب
12/10/2020 19:00 تبركيك

ناض عليه صداع كبير والمصريين مابغاوهش.. حفل سعد المجرد فمصر تلغى بسبب اتهامو بالاغتصاب

ناض عليه صداع كبير والمصريين مابغاوهش.. حفل سعد المجرد فمصر تلغى بسبب اتهامو بالاغتصاب

عفراء علوي محمدي- كود//

حذفات “تيكيتس مارشي” شركة بيع ليبيي دالحفلات والسهرات فمصر، إعلان مسرح “كايرو شو” اللي كان غينظم حفلة للمغني المغربي سعد المجرد، من بعد حملة انتقادات واجهاتو على مواقع التواصل الاجتماعي، على اعتبار أنه متهم فقضايا الاغتصاب والاعتداء الجنسي، ومايستحقش يطلع ليه الشان ويدير هذ حفل فمصر.

وحتى الصفحة الرسمية ل”كايرو شو” حذفات الملصقات الخاصة بحفل لمجرد من كَاع صفحاتها فمواقع التواصل الاجتماعي، اللي توصلات بسبابها بكم هائل ديال التعليقات المنتقدة لتنظيم هذ الحفل، اللي وقالو بعض النشطاء من خلالها أنه ماغيشرفش مصر تدير حفل غيحييه “مغتصب”.

والنشطاء المصريين ف”تويتر” و”فيسبوك” دارو هاشطاكَات كثيرة كيرفضة من خلالها المجرد، بحال هاشطاكَ “مش عايزين المجرد في مصر”، وهي العبارة اللي تصدرات محركات البحث المصرية اليوم الاثنين.

وكان مسرح “كايرو شو” على الحفل ديال المجرد “قريبا”، بحضور 25 فالمية فقط بسبب فيروس كورونا المستجد، وقال فصفحتو الرسمية على أنستكَرام: “قريبا، سعد المجرد في حفل ضخم على مسرح “كايرو شو” ماركيي كايرو فستيفال سيتي التجمع الخامس، ضمن احتفالنا بمرور سنتين على تأسيس المسرح،، انتظرو مفاجآت كثيرة خلال شهر ديسمبر”.

وتمت متابعة المجرد ب4 قضايا ديال الاغتصاب والاعتداء الجنسي، فميريكان والمغرب وفرانسا، آخرها الاعتداء على امرأة ففرانسا عندها 33 عام، كان تشد عليها فالحبس قبل ما يخرج بكفالة مالية، لكن مازال لحد الساعة تحت المراقبة القضائية.

موضوعات أخرى

30/10/2020 19:30

عكس السنوات السابقة.. لقاح الانفلونزا غايكون بوصفة طبية ومصدر لـ”كود”: وزارة الصحة تعطلت بزاف وعقدت الأمور و650 ألف جرعة قليلة

30/10/2020 18:00

هذشي كيخلع وخاص السلطات تتحرك.. شي دواعش ففيسبوك عندهم هانية يتذبح بنادم بدموية ووحشية.. لكن “حتى لرسول الله مالاعبينش”.. هذو باينة غير مالقاو جهد أما كون ارتكبو جرائم أفضع وأشنع باسم الدين والمعتقد بسباب جوج رسمات

30/10/2020 17:45

ضحايا فمراكش تكمطو فملايين صحيحة فزمن (كورونا). تنصب عليهم فرزقهم بعدما تلاقاو وعود وهمية بتمكينهم من بقع أرضية تابعة ل “العمران”