كود سبور//

ناضت فتورنوا ديال الكورة للفئات الصغرى فالدار البيضاء اليوم الاحد، كتحمل اسم الامير مولاي الحسن، وهي من تنظيم لاعب سابق، عيط لاندية باش تشارك منها أندية إفريقية واوربية ومغربية بحال اكاديمية كرة محمد السادس والرجاء والوداد ومارسيليا، ولكن داكشي ما كانش فالمستوى.

وحسب المعلومات اللي تصول بها موقع “گود” فالأمر كيتعلق بدوري ديال كرة القدم فتيران عين السبع للفئات السنية من موايد 2009 و2011، وهاد التورنوا من تنظيم اللاعب السابق حميد بوجار، مسمينها على اسم الأمير مولاي الحسن. اختار ملعب “اتلتيكا”.

نفس المصادر المصادر وضحت ان ان هاد التورنوا كان التنظيم فيها خايب بزاف، والاطفال تعذبو بزاف حيث كان خاصهم يبداو يلعبو بكري وبقار كيتسناو لساعات، وبعدها وقعات انسحابات لبعض الفرق اللي انسحبو حيث كان خاصو يلعبو مع 8 الصباح ولكن دازت ساعتين والصرف ديال ومازال ما لعبوش.