وكالات//

فرقة “كينغدوم” الغنائية ديال الولاد فكوريا الجنوبية قالت أنها غاديا تحيد ݣاع النسخ اللولة ديال الألبوم الجديد لي دارت، حيت ناض صداع وكلشي بدا كيقول بلي التصميم ديالو بحال المصحف.

وشركة “جي أف للترفيه” لي مكلفة بهاد الفرقة طلبات السماحة من ݣاع المسلمين حيت معجبهمش الحال، وعطاتهم وعد بلي غادين يحيدو ݣاع النسخ اللولة لي واصلا  لـ70 ألف كلها من الإنتاج الجديد.

الشركة كتأكد أن هادشي مداروهش بلعاني، غير مردوش البال، وقالت أن الألبوم غادي يتباع فالموعد المخطط وبالتصميم الجديد لي درنا ليه.