الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا
عفراء علوي محمدي- كود//
كشف صلاح الدين المعيزي، الصحافي والعضو بلجنة التضامن مع الصحافيين المعتقلين سليمان الريسوني وعمر الراضي، على معطيات بخصوص توقيف الناشط نور الدين لعواج، بعد المشاركة ديالو فوقفة تضامنية مع الصحفيين تزامنا مع جلسات محاكتهما اليوم الثلاثاء.
وقال المعيزي، فتصريحو ل”كود”، أن لعواج توقف حدا شارع الجيش الملكي مع 2:30، عن طريق طوموبيل بيضة من نوع رونو كونكَو، حسب ما حكاتليه ناشطة كانت معاه فاللحظة فاش طلعوه.
وزاد “ما كان عندنا حتى خبار عليه، حتى اتصلو بالعائلة ديالو مع الخمسة.وأكدو ليهم أنه كاين فمقر الفرقة الوطنية للشرطة القضائية”.
وحسب ما عرف من عند عائلتو، فلعواج غيتقدم امام أنظار النيابة العامة نهار الخميس، وعندو 48 ساعة حراسة نظرية.
وأن عائلتو وصحابو مازال ماعارفين التهم اللي متابع بيها لعواج، وماقدروش يشوفوه لا هوما لا لمحامين ديالو دابا.
ومواقع التواصل الاجتماعي فيها استنكار كبير فصفوف النشطاء والحقوقيين بسباب اعتقال لعواج، اللي تعرف بحضورو فجميع وقفات التضامن مع الصحفيين المعتقلين، وطالبو النشطاء بإطلاق سراحو.