كود سبور//

عبر التونسي نصر الدين نابي مدرب الجيش الملكي على الفرحة ديالو بعد الرباح اللي حقق الفريق على نهضة بركان اليوم الاربعاء فتيرانهم، ضمن مؤجل الدورة 20 من البطولة الاحترافية، وأكد أن هذا الرباح مهم وليفار يستاحقوه.

وهضر نصر الدين نابي بعدما ربحو الجيش الملكي نهضة بركان بنتيجة 2 لواحد، وقال فتصريح له: “الماتش كان صعيب ودرنا مباراة مقبولة.. المنافسين ديالنا على الصدارة جاو هنا لبركان وما قدروش يربحو، هذا الرباح اللي حققنا مهم فالمنافسة على اللقب وكنستحقو الفوز”.

وقدرو ليفار بهذا الرباح يبعدو بصدارة البطولة الاحترافية على المطارد ديالهم الرجاء الرياضي بـ4 النقاط، ورفعو رصيدهم إلى 52 نقطة فالصدارة والرجاء عندهم 48 نقطة.