وكالات//
براطاجاو بزاف ديال الناس على مواقع التواصل الاجتماعي واحد الفيديو لي دار البوز، كتبان فيه نائبة أسترالية كدافع على البيئة وهي كتبين واحد الحوتة ديال السلمون الميتة فمجلس الشيوخ الأسترالي، نهار الأربعاء.
وبث البرلمان، حسب جريدة “الغارديان”، الموقف ديال النائبة سارة هانسون يونغ بشكل مباشر، لي وجهات اتهامات للحكومة بأنها كترفض تطبيق معايير بيئية صارمة باش تحارب تلوث المجاري المائية المرتبط بهاد الصناعة فجزيرة تسمانيا.
وطلبو من هانسون يونغ باش تخرج الحوتة بسرعة من القاعة.
الناشطين البيئيين كيتهمو مزارع تربية السلمون بتلويث المجاري ديال المياه فجزيرة تسمانيا بالنفايات وكيعرضو الأنواع المحلية للخطر.
لكن رئيس الوزراء الأسترالي أنتوني ألبانيزي، لي ناوي يترشح لولاية ثانية فالانتخابات البرلمانية لي غادي تكون فـ 17 ماي، أكد دعمه لهاد النشاط على أساس أنه كيدعم الوظائف ف البلاد.
