وكالات//
لبسو بزاف ديال العضوات ديال الكونغرس الديمقراطيات اللون الوردي فخطاب الرئيس دونالد ترامب فالجلسة المشتركة ديال الكونغرس الثلاثاء، فخطوة باش يعبروا على معارضتهم لسياسات الرئيس اللي كاتأثر بشكل سلبي على النساء والأسر.
قالت النائبة تيريزا ليغر فرنانديز من نيو مكسيكو، اللي كتقود الكتلة النسائية الديمقراطية، فتصريحاتها لمجلة “تايم” إن اللون الوردي كيرمز لـ”الاحتجاج ضد سياسات ترامب”، وأضافات أنه كيمثل “القوة والاحتجاج”.
وقالت باللي جا الوقت باش يتجمعو المعارضين ضد الرئيس “بصوت عالي وواضح”.
والجماعة اللي فيها 96 عضو، عبروا على معارضتهم لترامب فبيان خارج مبنى الكابيتول قبل الخطاب، وأكدات ليغر فرنانديز: ” النساء ماقادرينش يتحملوا سياسات ترامب، اللي كاتكلفنا بزاف فمجالات الفلوس والصحة والأرواح والسلامة”، وزادت باللي أجندة الجمهوريين كاتضر بالنساء فكل مراحل الحياة.
موضوعات أخرى
فيديو.. أعاصير “مدمرة” ضربات ولايات فمريكان وخلفات قتلى
بالفيديو.. الفيضانات فمدينة فلورنسا فالطاليان
