كود – وكالات//

علنات رئيسة الحكومة الإيطالية جورجيا ميلوني على إجراءات جديدة غادي تعرضها على الحكومة، من بينها منع النقاب والبرقع وسط المؤسسات التعليمية، وغادي تنقص عدد التلاميذ الأجانب فكل قسم باش يندمجو دغيا حسب ما قالت فخرجة ليها نهار الأحد.

الفكرة حسب الحكومة الإيطالية، هي تنظيم الاندماج وسط المدرسة، خصوصاً فالأحياء اللي ولات فيها نسبة التلاميذ الأجانب طالعة .

ومن بين المقترحات، إلزام آباء بعض التلاميذ الأجانب بتعلم اللغة الإيطالية، خصوصاً فالحالات اللي كاينة فيها صعوبات كبيرة فالاندماج وسط  النظام التعليمي.

ميلوني ربطات هاد الإجراءات بضرورة تعلم اللغة الإيطالية وفهم الثقافة المحلية واحترام القوانين بالنسبة للي كيجي يعيش فإيطاليا.

أما النقاب والبرقع، فالمشروع كيركز على تغطية الوجه وسط المدارس، يعني التلميذ خاصو يكون وسط المؤسسة بوجه باين .