وكالات//

ميغان ماركل خلات الناس يتكهنوا بعدما نشرت فيديوهات فستوريات ديال إنستغرام وهي كتوجد فطائر الـ”وافلز” لعيد القديس باتريك باش تحضرهم لطفليها، الأميرين آرتشي وليليبت.

فالفيديوهات اللي نشر موقع “بيج 6” مقاطع منها، بينات ماركل وهي كتحضر العجين الأخضر وكتكب الخليط فآلة الوافل المخصوصة، واللي شكلها كان لافت على شكل علامة +. ولكن ملي قدمت الوافل للأطفال ديالها، لاحظو الناس بسرعة أن الوافل ما كانش مقطع وكان مافيهش الشكل اللي كاتعطيه الماكينة، وهادشي خلا الناس يتساءلو واش هي فعلاً حضرات الوصفة بنفسها.

وكاينين تعاليق على وسائل التواصل الاجتماعي كتشير للتناقضات، وبداو الناس كيظنو أن ماركل ربما استعملت وافلز جاهزة من المحلات عوض ما تحضرها من الأول.

وحتى واحد المستخدم شارك صورة ديال وافل جاهز بنكهة التفاح الأخضر من علامة معروفة، وهادشي خلا الناس يشككو فأن ماركل زورات العملية كلها باش تشاركها على وسائل الإعلام الاجتماعية.

النقاد تساءلو علاش ميكَان تحاول تتلاعب بـ”شيء تافه” بحال تحضير الوافل، بل حتى واحد منهم هاجمها وقال عليها أنها “كاذبة ومتلاعبة”.