وكالات//

ميغان ماركل نفت الشائعات اللي كانت كتقول إنها ناوية توسع علامتها التجارية “أس إيفر” خارجيا بعد نهاية الشراكة ديالها مع منصة نتفليكس.

متحدث رسمي قال إن الأخبار اللي كتروج حول بيع منتجات العلامة فدول بحال أستراليا مجرد تكهنات.

وأضاف أن مازال ما تقرر حتى شي موعد ولا مكان للتوسع الدولي، لكن الفريق ديال العلامة مهتم يكتشف فرص جديدة فإطار تطور المشروع.

وكانت تقارير إعلامية قالت إن ميغان ماركل وزوجها الأمير هاري غادي يسافرو لسيدني وملبورن باش يناقشو هاد التوسع، لكن المتحدث وضح أن الزيارة المقبلة مرتبطة بفعاليات خاصة وتجارية وخيرية.