وكالات//

فواحد المشروع اللي ما كيفرقش، صايب الميكانيكي الإيطالي أندريا مارازي أضيق طوموبيل فالعالم اللي كتقدر تسوق، واخا شكلها غريب، ودايرها على ستايل كرتوني كيجي بحال شي حاجة خارجة من فيلم خيالي، وداكشي مستوحى من فيات باندا ديال 1993.

العرض ديال الطوموبيل الجديدة ما كيتعداش نص متر، وهادشي كيخليها تبان بحال شي لعبة، ولا بحال شي طوموبيل من الرسوم المتحركة.

ورغم هاد الشكل المضحك، مارازي ما تنزلش على الأصل، وخلّى بزاف من المكونات الرئيسية ديال الطراز الكلاسيكي بحال الضوّات القدّام، البيبان، السقف، والرّويضة.