الرئيسية > كود سبور > ميسي والأرجنتين قصاو هولندا من المونديال وغادي يلعبو مع كرواتيا فنصف النهائي
09/12/2022 23:02 كود سبور

ميسي والأرجنتين قصاو هولندا من المونديال وغادي يلعبو مع كرواتيا فنصف النهائي

ميسي والأرجنتين قصاو هولندا من المونديال وغادي يلعبو مع كرواتيا فنصف النهائي

كود سبور//

تاهل منتخب الأرجنتين لنصف نهائي كأس العالم قطر 2022، من بعدما ربح هولندا اليوم الجمعة فربع نهائي المونديال فماتش مشوق مشى حتى البيلانتيات، من بعدما سالا الوقت الأصلي منو والأشواط الإضافية بالتعادل الإيجابي 2 مقابل 2، وحسماتو البيلانتيات.

وسبقت الأرجنتين 2 بيوت ديالها فالماتش عن طريق ناويل مولينا فالدقيقة 35، وزاد ميسي الهدف الثاني فالدقيقة 73 من بيلانتي، أما هولندا ماركات البيت ديالها الأول فالدقيقة 83 بواسطة فاوت فيهخورست ، وحاولوا الهولنديين يرجعو فالماتش فالدقائق الأخيرة وقدرو يجيبو التعادل من وحد الكوفرة تلعبات بذكاء واستغلها فاوت فيهخورست وماركا الهدف الثاني لهولندا والبيت الثاني له هو فالماتش اللي سالا الوقت ديالو الأصلي تعادل 2 مقابل 2.

ومشاو المنتخبان للأشواط الإضافية وكانت الأرجنتين قريبة تماركي فيها الرباح ولكن تألق كول هولندا والبوطو حرموها من هدف الرباح، وهاكذا كانت البيلانتيات هي الحل فهاد الماتش وكان منتخب الأرجنيتتن هو الرابح فيها بنتيجة 4 مقابل 3 من بعدما تألق الكول الأرجنتيني مارتينيز فالتصدي لضربات ترجيح الهولندين.

وتأهلت الأرجنتين بهاد الرباح لنصف نهائي كأس العالم قطر 2022، وغادي تلعب مع كرواتيا، أما هولندا فحتى هي ودعت البطولة ووصلات على البرازيل.

موضوعات أخرى

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب

28/01/2023 20:30

من بعد البرلمان الاوروبي. احزاب فبرلمان إقليم الباسك غادي تطلق مبادرة كتطالب فيها المغرب باحترام حرية التعبير والإعلام