كود سبور//
ما غايلعبش الأسطورة الأرجنتيني ليونيل ميسي مع الفريق ديالو انتر ميامي الميريكاني 2 ماتشات فبطولة ميريكان، وهذا الشي بسبب الإصابة اللي جاتو فالفينال ديال كوبا أمريكيا الاحد الماضي ضد كولومبيا.
وعلن تاتا مارتينو مدرب أنتر ميامي الميريكاني، أن ليونيل ميسي مول الـ37 عام، ما غايلعبش اليوم الاربعاء ضد تورنتو اف سي، وما غايلعبش السبت الجاي ضد شيكاگو فاير.
ووضح المدرب أن ليونيل ميسي غايدير فحوصات اخرى باش يعرفو وضع الاصابة اللي عندو فين وصل، وبناء على النتائج ديالها غايقررو امتى غايلعب.
