گود سبور//

علق الأسطورة الأرجنتيني ليونيل ميسي التوني ديال منتخب الأرجنتين، واعلن اليوم الاثنين اعتزال اللعب الدولي وهو فعمرو 39 عام.

ليونيل ميسي أحسن لاعب فالعالم 8 المرات وبطل كاس العالم 2022، قرر يحبس الكورة مع الأرجنتين بعد أسابيع قليلة على خسارة نهائي كأس العالم 2026، وبعد 2 سيمانات على وفاة باه واللي هو فنفس الوقت وكيل الأعمال ديالو خورخي ميسي.

ميسي حط بوسط فانستغرام قال فيه: “داز شويا الوقت على الفينال، وبعد تفكير طويل، بغيت نعلن لكلشي بلي اعتزلت مع المنتخب الوطني، هذا القرار كايضرني فأعماقي، ولكن عارف أن هذا هو الوقت المناسب”.

ومازال ليونيل كايلعب مع انتر ميامي الميريكاني، الفرقة اللي مولاها النجم النگليزي بيكهام، ولكن كايبان أن الكورة ديال النجم الأرجنتيني من ورا وفاة باه ما غاديش تكون كيفما كانت من قبل.