گود سبور//
عبر النجم الارجنتيني ليونيل ميسي على الرغبة ديالو فـ المشاركة مع منتخب الأرجنتين حامل لقب كاس العالم، فـ كوب دي موند 2026 الصيف الجاي فـ ميريكان وكندا والمكسيك، ولكن اكد بلي الجسم ديالو هو اللي غايقرر واش يلعب المونديال ولا ما يلعبوش.
وخلال حوار له مع شبكة “ان بي سي نيوز”، هضر ليونيل ميسي مول 38 عام، وقال انه خاصو يشوف باش غادي يحس الجسم ديالو العام الجاي قبل ما يقرر واش يقدر يشارك فـ كاس العالم المقبلة ولا ما يقدرش، واكد انه إلى شارك فـ كوب دي موند الجاي غاتكون شي حاجة واعرة وزوينة بالنسبة له وانه باغي يشارك فـ البطولة.
واكد ليونيل ميسي انه باغي يكون فـ كاس العالم الصيف الجاي، ويشارك مع منتخب الأرجنتين وتكون الصحة ديالو مزيانة باش يعاون منتخب بلادو.
