كود – كازا ///

ميسي الحشيش” أو الحاج عبد الله اللي مسطى بوليس الصبليون واليوروبول وصحافة الجارة الشمالية خرجات عليه مقالات جديدة، بسبب فشل الأجهزة الأمنية والاستخباراتية ف الوصول إلى معلومة تقود إلى مخبأه السري. صدق كوايري كيلعب ماتشات ف قسم الهواة وكيتصور عادي بصفتو عميد فريق!

وحسب موقع “إل فارو دي ثيوتا”، نقلا عن اليوم 24، ميسي الحشيش أو الحاج عبد الله، كيعيش ف الفنيدق بلا مشاكل وواخا هو أكثر الهاربين المطلوبين من قبل اليوروبول، فهاد الشي ما منعوش باش ينظم حفلات عرض فيها على فنانين مغاربة الصيف الفايت ف شمال المملكة بالإضافة إلى المشاركة في ماتشات الكورة..

وحسب المصادر ذاتها، ففي وضح النهار يوم الأحد الفايت، شارك الحاج عبدالله في ماتش ف قسم الهواة. وناضو مصورين محليين خذاو صورة لحكام المباراة مع قائدي الفريقين. وف صورة تذكارية، نشرتها الصفحة الرسمية لفريق الفنيدق على فيسبوك، كيظهر “ميسي” على يسار لاربيط، لابس ثوني. باللونين الأبيض والأحمر، وداير الشرويطة ديال الكابتان.

ووفقا للمعطيات الواردة، ف سبتمبر 2022، تم إدراجه على قائمة المطلوبين في الاتحاد الأوروبي، بسباب جريمة كيقولو عليها المعارف ديالو  هو ما عندو علاقة بها، وأن اللي ارتكبها سلم راسو في أوروبا وهذاك الشي علاش الحاج معندوش مشكل مع يوروبول.

ونشرت تقارير إخبارية سابقة، أن الحاج عبد الله هو بارون ديال المخدرات وقدر يهرب من إسبانيا ف مارس 2019 بعدما كان مطلوب للعدالة بعد تفكيك شبكته الأولى والشرطة الوطنية والحرس المدني ف اسبانيا خدامين باش يعرفو الوجهة اللي هرب ليها..

https://elfarodeceuta.es/andanzas-messi-hachis-castillejos-fiestas-partidos-futbol/amp/