كود سبور//

عبر الأسطورة الأرجنتيني ليونيل ميسي على الغضب ديالو والإدانة للبوليس البرازيلي واتهمهم بالاعتداء على الجماهير الأرجنتينية، فماتش المنتخبين الأرجنيتين والبرازيلي فالساعات الأولى من اليوم الاربعاء فتيران الماراكانا.

وملي سالا الماتش بين الأرجنتين والبرازيل برباح الطانكو بواحد لزيرو، قال ليونيل ميسي فتصريح لإعلام الأرجنتين: “كان داكشي خايب بزاف، شفناهم كيفاش كانوا كيضربو الناس كيفما وقع فالفينال ديال ليبرتادوريس، والبوليس بداو كيضربو تاني فالجمهور بالزراوط”.

وكمل ليونيل ميسي وقال: “رجعنا للفيستيير حيث كان الخيار الوحيد والحل باش كلشي يتكالما وكان ممكن يسالي هذا الشي بكارثة، راك كتولي فهاديك اللحظة تفكر غير فالعائلات والمشجعين اللي جاو يتفرجو كثر ما كتفكر فالماتش”.