كريم الصوفي – كود//
[email protected]

وصلات الاعتمادات المرصودة للدفاع حسب قانون المالية ديال العام الجاي 2023 إلى 120 مليار درهم، بزيادة ديال 5 ملايير درهم  مقارنة بقانون المالية الحالي ديال 2022. ميزانيات الدفاع ارتفعت بشكل كبير ف 3 سنين الأخيرة، وانتقلات  من 96 مليار و731 مليون درهم عام 2019 إلى 115 مليار و554 مليون درهم عام 2022.

ولأول مرة ف تاريخ قوانين المالية، كيتم تغيير حساب النفقات من المخصصات المسمى “اقتناء وإصلاح معدات القوات المسلحة الملكية” بإضافة “ودعم تطوير صناعة الدفاع”. هاذ الشي للتأكيد على خطة المملكة ف التأسيس لصناعة دفاعية قوية بالشراكة مع حلفاءها التقليديين.

هاذ الزيادة القياسية ف ميزانية الجيش المغربي كتجي ف سياق تواترات اقليمية من أبرزها تحركات البوليساريو ف المنطقة العازلة والصراع المفتوح مع الدزاير اللي من المنتظر باش تعرف ميزانية جيشها زيادة ضخمة بأكثر من 12 مليار دولار مقارنة بالمبلغ المخصص في ميزانية 2022، لتصل بذلك إلى 23 مليار دولار.