وكالات//

بدات هيئة الأمراض المعدية الميريكانية كتحذر من الانتشار الخطير ديال واحد العدوى جديدة، كتنتاشر بطريقة سريعة وخطيرة جدا سميتها “نوروفيروس”.

على حساب ماقالت الهيئة الميريكانية فهاد الفيروس بان مؤخرا، خصوصا فولاية كالفورنيا وحتى فالمكسيك بأرقام كتخلع.

ومعورف على هاد الفيروس أنه كيسبب التهابات خايبة بزاف في المعدة والمصران ديال الناس لي كيتصابو بيه.

والخطير أكثر أنه كينتاشر غير باللمس ولا إيلا كليتي شي ماكلة ولا شراب ملوث بالفيروس وحتى ايلا قستي شي حاجة فيها الفيروس وخشيتي يدك ففمك ولا حكيتي عينيك.

على حساب الأرقام لي خرجاتها السلطات ديال ميريكان فالفيروس تزاد بنسبة 13 فالمية من علا لي مولف كيكون فيه، ولي كيخلع أكثر أنه مازال مالقاوش ليه دوا.