وكالات//

تنفد نهار الخميس حكم الإعدام فالسجين “أوسكار سميث” فولاية تينيسي الميريكانية، عن طريق حقنة مميتة، بعدما تحكم عليه بالإعدام على خلفية قتل مراتو السابقة “جوديث سميث” وولديها المراهقين “جيسون وتشاد بيرنيت” فـ1989.

وكان مبرمج أن سميث، اللي عندو دابا 75 عام، يتلقى الحقنة المميتة بمادة البنتوباربيتال فـ10:10 ديال الصباح.

ورغم هادشي، سميث كان باقي كيتشبّت بالبراءة ديالو، وفواحد الحوار اللي دار مع وكالة “أسوشيتد برس” مؤخراً، عبّر على الإحساس ديالو بأن النظام القضائي ظلمو.

السميث تحكم عليه بعدما لقاو باللي قتل مراتو وولادها فدارهم فمدينة ناشفيل، ولاية تينيسي، نهار 1 أكتوبر 1989، بطعنات وبالرصاص.