وكالات//

فلتات واحد السيدة ميريكانية من الموت من بعد ما كانت مكوانسية فالطوموبيل ديالها لمدة سيمانة كاملة من بعد ما وقعات ليها كسيدة.

السيدة بقات حية بفضل واحد الواد صغير، واستعملات طريقة غريبة باش تشرب منو حيت ما بقات قادرة تحرك أو تخرج من الطوموبيل.

حسب ما قال شانون كوثران، المسؤول على البوليس ديال مقاطعة نيوتن، تم العثور على السيدة اللي سميتها بريونا كاسل (41 عام) نهار الثلاثاء قريب من مدينة بروك.

واحد العامل فشركة ديال الصرف الصحي شاف الطوموبيل ديالها، وقالها للمشرف ديالو، مشاو مع بعضهم للمكان ولقاوها داخل الطوموبيل، وعيانة ولكن ما زال كاتقدر تهضر رغم الإصابات ديالها.

دازو مباشرة واتصلو بالفِرق ديال الإنقاذ، اللي نقلوها بالهليكوبتر للمستشفى فشيكاغو باش تعالج.

العائلة ديالها كانت كاينة عارفينها ضايعة من قبل أيام، وقال الوالد ديالها، دلمار كالدويل، أن الحادث وقع ليلة الخميس، ملي غلبها النعاس وهي سايقة الطوموبيل، وهاد الشي خلاها تخرج على الطريق وتهبط فالخندق.