الرئيسية > كود-تيفي > ميريكانية اتهمات طالب دالطب باغتصابها: سد عليا ونعس معايا صحا وضرب واليديه فاش دقو عليه – فيديو
20/05/2020 16:00 كود-تيفي

ميريكانية اتهمات طالب دالطب باغتصابها: سد عليا ونعس معايا صحا وضرب واليديه فاش دقو عليه – فيديو

ميريكانية اتهمات طالب دالطب باغتصابها: سد عليا ونعس معايا صحا وضرب واليديه فاش دقو عليه – فيديو

عفراء علوي محمدي- كود//

اتهمات أمريكية عايشة بالمغرب طالب فكلية الطب يدعى (أ.ف) باغتصابها بالعنف، وقالت بللي ماقدراتش توقفو عند حدو وحتى شي حد ما عاونها.

الأمريكية جيسيكا تكلمات لبارح فسطوريات وفيديوهات ليها على “أنستكَرام” على القصة ديالها، وقالت بللي هزها واحد النهار فرمضان فالطوموبيل على أساس تمشي تفطر معاه، لكن هو خدا الحشيش وبقى كَالس معاعاها فالطوموبيل ساعات طويلة، ومن بعد داها للدار وتكرفص عليها.

https://www.instagram.com/stories/jessicaartemisia/2312703028664362265/

واتهمات الأمريكية، اللي كتدير فيديوهات للتنمية الذاتية والروحية فالحساب ديالها، هذ الطالب بللي دخلها للدار وسد عليها، وواليديه ضربهم حتى هوما فاش جاو دقو عليه، وهي بزز عليها باش تنعس معاه.

وعلى حساب هضرة الكَاورية، فهذ الطالب عندو ضحايا كثار، لكن هذ البنات عمرهم قدرو يهضرو، ومن جهة خرى كتشوف بللي المجتمع المغربي مايقدش يتعاطف معاها أو يعتبرها بريئة فقط حيت هي كبيرة وعندها تجارب سابقة وماشي “فييرج”.

واستنكرات الميريكانية تعليقات بعض النشطاء اللي سولوها “كيفاش ممكن تكون تغتصبات وهي ماعمدها حتى آثار ديال العنف الجسدي”، وردات بالقول: “مفهوم الاغتصاب هو منين شي حد كاتقولو لا وماكايبغيش، وكيكمل وكاتقولو لا وماكايبغيش، وكاياخد منك صحا داكشي اللي ماعطيتيهش أصلا”.

موضوعات أخرى