وكالات //

قال موقع “إرم نيوز” الإماراتي، البارح الخميس، أن المغنية اللبنانية المشهورة ميريام فارس قررات توقف النشاط الفني ديالها تضامنا مع غزة.

ونقل الموقع على مصدر مقرب من الفنانة أنها لغات كاع الحفلات لي كانت غادي تديرها واخا تعاقدات معاهم، وحتى العراسات والمناسبات لي كانت غادي تغني فيهم بسبب هادشي لي واقع فغزة.

وأكدات أنها رفضات تغني والأطفال كيموتو كل نهار في غزة الفلسطينية.

بخصوص عدم الإعلان ديالها هي شخصيا على هاد القرار، كيقول المصدر أنها مابغاتش تدير البوز و”البروباغاندا”، وهذا عمل إنساني دارتو بكل إخلاص.

وأكد المصدر ذاتو، أن ميرميام فارس ماحدداتش فوقاش غادي ترجع، ومعندها دابا حتى رغبة تغني.