الرئيسية > آش واقع > ميركاتو انتخابات 2021 فسوس.. بسبب الكولسة جوج من صقور البي جي دي فهوارة مشاو للتراكتور والأحرار كينافس اللامبا على المرتبة الاولى
30/07/2021 16:30 آش واقع

ميركاتو انتخابات 2021 فسوس.. بسبب الكولسة جوج من صقور البي جي دي فهوارة مشاو للتراكتور والأحرار كينافس اللامبا على المرتبة الاولى

ميركاتو انتخابات 2021 فسوس.. بسبب الكولسة جوج من صقور البي جي دي فهوارة مشاو للتراكتور والأحرار كينافس اللامبا على المرتبة الاولى

كود الرباط//

تلقى حزب العدالة والتنمية، لضربة انتخابية غير مسبوقة بمدينة اولاد تايمة (هوارة)، حيث قرر كل  احمد الفايز ( من بداية التأسيس هو فالحزب) وحميد الحايل، ركوب التراكتور للانتخابات المقبلة.

هاد جوج من صقور الحزب بولاد تايمة، التحاقهم للبام ضربة للبي جي دي وهدية للأحرار اللي خدام ليه هاد الانقسام اللي واقع فالبي جي دي ف اولاد تايمة.

هوارة المدينة الفلاحية واللي معروفة بالفلاحين الكبار فسوس، كتعيش ميركاتو انتخابي خاص، باقي الاسلاميين شادينها مزيان، بحيث المؤشرات كتعطيهم الصدارة ولكن ماشي فحال 2016، هاد المرة غادي يدخل الاحرار للمنافسة بقوة.

الاستقلال ضعيف تما، لاسباب تاريخية وفلاحية وانتخابية. دبا المنافسة بين ثلاثة احزاب الاحرار والبي جي دي والبام. تقول مصادر مطلعة.

مصدر فالبي جي دي قال “گود” هاد جوج صقور اللي مشاو للبام من الناس النقيين فالبي جي دي وعندهم شعبية كبيرة فالمدينة، وهوما انسحبوا بسبب تخربيق فالحزب والكولسة فالترشيحات.

نفس المصدر اوضح بأن البي جي دي باقي غايجي اللول وممكن البام والاحرار الثاني ولكن الاستقلال ضعاف فهاد المدينة.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة

20/09/2021 17:00

لشكر قافز فالسياسة. باوراق قليلة رون التحالف الثلاثي بين لحمامة والتراكتور والميزان. معادلتو: اما الحكومة او مشات ليكم عمودية الرباط وجهة كليميم