كود الرباط//

قال عبد اللطيف ميراوي، وزير التعليم العالي والبحث العلمي وتكوين الأطر، بأن مسألة تقليص سنوات الدراسة مبالغ فيها سياسيا وبيداغوجيا.

ميراوي، فجلسة الأسئلة الشفوية، بان قوي ومقتنع بكلامو رغم الكلام لي خرجو عليه قيادات فالبام بلي غادي يطير فالتعديل الحكومي بسبب ازمة طلبة الطب.

وذكر ميراوي، الخصوم ديالو سياسيا (الحركة الشعبية، البي جي دي)، بسنوات 2011، 2015، 2016، 2019 لي كانو فيه احتجاجات طلبة الطب، واتفاقات بين ممثلي الطلبة مع الحكومة.

وقال ميراوي، ردا على مداخلات البي جي دي والحركة الشعبية، بلي في سنة 2019 كان اتفاق بين ممثلي الطلبة والوزارة (لي كان كيترأسها سعيد امزازي باسم الحركة الشعبية فحكومة كيترأسها البي جي دي) على ست سنوات، مشيرا بلي هاد القضية مبالغ فيها من جميع النواحي بيداغوجيا وسياسيا.

وشدد ميراوي بلي تقليص سنوات الدراسة من 7 سنين الى ست سموات مافيهاش شي حاجة للي تقدر ضر بجودة التكوين ، مشيرا بلي جميع الدول المجاورة في الشمال طبقات ست سنوات فدراسة الطب.

واوضح المسؤول الحكومي بلي كاين لي عندو غرض فهادشي.. وشدد بلي هادي فرصة بقات 40 في المائة من الطلب عندهم فرصة لي نجح يمشي يقرا ولللي ما نجحش يعاود العام.

وشدد الوزير ميراوي بلي جميع النقط تقريبا تجاوبت معها الحكومة، بحيث فيما يخص العقوبات التأديبية قال “كيف درنا مع طلبة الصيدلة غانديرو مع طلبة الطب، كنعتبروها متجاوزة، اما مكاتب الطلبة: لي كاينين اليوم، كلها غير قانونية، كتكون مكانب خاصة بالانشطة الموازية وقلنا نعطيو ستة اشهر، باش جميع المكاتب يطبقو القانون”.
وتابع ميراوي :”اما برمجة الامتحانات، بغاو ينظمو جوج امتحانات ف كل اسدس، تداريب نقصو فيها باش نديرو عام ديال التدريب ف ثلاثة اشهر، رفضت: التداريب مينقصو منها حد”.

وشدد ميراوي بلي الكليات غادي توفر ظروف لتحسين تكوين في جو بيداغوجي كبير، وكاينا استثمارات كبيرة في تيليميدسين والرقمنة واللغات والمهارات لي مكانتش قبل.

اما مدة التكوين، قال ميراوي :”كاينين اطباء معانا، كانت سبع سنين قبل، واليوم رجعناها لست سنين، تحاورنا معهم ونزيدو ثلاثة اشهر اربع مرات غادير سبع سنين . الدكتوراه فب الطب هي دكتوراه الطب. حلينا هاد النقاش
لي بغا يزيد عام على ست سنين، عطيناه ليهم”.