الرئيسية > ميديا وثقافة > “ميدي 1 تيفي” دعات بلهيسي وعاقباتو مايدوزش فالتلفزة.. ورئيس نقابة الصحافة ل”كود”: حنا مبدئيا ضد معاقبة الصحافيين بهذ الطريقة.. ولكن كنتسناو تقارير باش نفهمو آش وقع بالضبط
02/07/2020 20:00 ميديا وثقافة

“ميدي 1 تيفي” دعات بلهيسي وعاقباتو مايدوزش فالتلفزة.. ورئيس نقابة الصحافة ل”كود”: حنا مبدئيا ضد معاقبة الصحافيين بهذ الطريقة.. ولكن كنتسناو تقارير باش نفهمو آش وقع بالضبط

“ميدي 1 تيفي” دعات بلهيسي وعاقباتو مايدوزش فالتلفزة.. ورئيس نقابة الصحافة ل”كود”: حنا مبدئيا ضد معاقبة الصحافيين بهذ الطريقة.. ولكن كنتسناو تقارير باش نفهمو آش وقع بالضبط

عفراء علوي محمدي- كود//

قضية يوسف بلهيسي دارت حالة على مواقع التواصل الاجتماعي، “ميدي 1 تيفي” قررات باش تمنع الظهور ديالو فالشاشة لتقديم الأخبار، وهذشي عقابا ليه على بسبب آراء كيعبر عليها فالباج ديالو.

ورفعات القناة دعوة قضائية ضد بلهيسي بسباب داكشي اللي كيكتب، على اعتبار أن التدوينات اللي كيدير كتسيء بشكل مباشر للقناة، وما يمكن لحتى شي مؤسسة تتقبلها من طرف واحد من ليكيب ديالها، ودابا القضية فيد القضاء.

لكن كاين اللي شاف أن القناة من حقها تدعيه والقضاء يقول كلمتو الأخيرة فالموضوع، لكن مامنحقهاش تحيدلو صلاحية الظهور فالتلفزة، وتعاقبو بهذ الطريقة.

عبد الله البقالي، رئيس النقابة الوطنية للصحافة، عبر على رفض النقابة لبحال هذ العقوبات، وقال “حنا مبدئيا ضد هذ التصرفات، ولكن خاصنا تفاصيل ديال شنو وقع بالضبط باش نحكمو، وكنتسناو تقارير فرع نقابتنا فطنجة وتنسيقية صحافيي “ميدي 1 تيفي”.

وقال البقالي، فتصريحو ل”كود”، أن النقابة غاتدير اللازم وتعلن على موقفها من القضية فاش تكتمل عندها الصورة أكثر، كيف أكد أن النقابة غيمكن ليها تتواصل مع القناة إذا تطلب الأمر باش تاخد إفادتها فالموضوع.

فالمقابل، مصدر من القناة قال، فتصريح سابق ل”كود”، أن بلهيسي مازال كيمارس العمل ديالو داخل هيئة التحرير بشكل اعتيادي وكواحد من أفرادها، وماكاين حتى عقد أو قانون كينص على إجبار القناة على وضع صحافي بعينه فموقع تقديم الأخبار بصفة دائمة، حيت من حق الإدارة تقرر فالأدوار المهنية ديال كل عضو من الهيئة”.

موضوعات أخرى

08/08/2020 20:30

حصيلة كورونا فالأقاليم والجهات: كازا هي اللولة فعدد الإصابات اليومية والوفيات.. وجهة درعة فاتت جهة العيون فالطوطال ديال الحالات

08/08/2020 19:30

خوانجية فيسبوك وكبيرهم أحمد منصور دارو فراسهم الضحك.. نسبو بناية كويتية متأثراتش بانفجار بيروت لآل أردگان والعثمانيين.. وطلقو الكذبة وتيقوها

08/08/2020 19:00

على خطى ندى حاسي “كيم كارداشيان الخميسات”.. حتى نهيلة باربي دارت الحجاب ونزل عليها الايمان غير مازال ماعرفناش شحال دالوقت غادوم هاد “الهداية” – فيديو