كود -وكالات//

المغنية العالمية كاتي بيري رجعات دايرة البوز ،ماشي بألبومها ولكن بعلاقتها العاطفية مع رئيس الوزراء الكندي السابق جاستن ترودو ،ونشرات مؤخراً فـ”إنستغرام” تصاور “عاطفية” بيناتهم بجوج.

فهاد التصاور بانو الكوبل لابسين لكحل وكاتي  كتشوف فيه بإعجاب وحاطة يدها على صدرو، وكتبات مع تصاور، “ما كنتش عارفة أن الكارما تقدر تكون كتجازي لهاد الدرجة”.

وحسب مجلة “People”، العلاقة بدات من الصيف اللي فات فموريال، ودابا ولات كتكبر بشوية بشوية، مصدر مقرّب قال باللي أهم حاجة عندهم هي الاستقرار خصوصاً على قبل الدراري لي عندهم، الكوبل قدرو ينجحو فـ”العلاقة عن بعد” بفضل السفر ومحاولة يدوزو الوقت مع بعضياتهم كلما كان الفرصة ممكنة، خصوصاً من بعد ما سالات كاتي الجولة الغنائية ديالها فدجنبر اللي فات.

ومن جهة أخرى، العلاقة لقات دعم من العائلة، حيث  (ولد ترودو، عندو 18 عام) مدح كاتي وقال عليها “زوينة، متواضعة “،وحتى قال باللي كاتي كتعطيه نصائح فالموسيقى وكتسمع لأعمالو قبل ما ينشرهم ،وزاد قال أن الفرحة ديال باه هي الأهم عندو، وما تفاجأش بظهورهم فالإعلام حيث تربّى فوسط الأضواء.