كريم الصوفي – كود//
[email protected]
قالت تقارير اخبارية فرنسية، أن المغني الكونگولي “ميتر گيمز” قرر باش يعرض الفيلا ديالو في مراكش للبيع في مقابل 4 ملايين يورو. الرابور عايش فمراكش هادي دابا 5 سنين هو ومراتو وولادو.
“ميتر گيمز” استقر في الفيلا ديالو لفترة طويلة وسجل فيها العديد من الاغاني ديالو وشراها من عائلة معروفة وسماها بسمية مراتو وخسر عليها تقريبا 55 مليون درهم غير فالاصلاحات.
المساحة السكنية اللي فيها تقريبا هي 1200 متر مربع و 700 متر مربع كلها مساحات خارجية وحدائق وفيها وخمس غرف نوم ويقدرو يسكنو فيها 10 أشخاص، كما تحتوي على خمسة حمامات وصالة ألعاب رياضية وغرفة سينما وطاولة بلياردو ومسبح وتنس طاولة، ومؤخرا كراها لقناة فرنسية سجلات فيها برنامج الواقع “10 Couples Parfaits”.
