كود سبور//

طلعو الرجاء الرياضي لصدارة البطولة الاحترافية لكرة القدم، بعدما ربحو حسنية أكادير اليوم الثلاثاء فتيران برشيد، برسم الدورة 20، فماتش تألق فيه المهاجم الرجاوي المهدي موهوب.

وسالا الماتش بين الرجاء الرياضي وحسنية أكادير بنتيجة 2 لزيرو لمصلحة الفريق الأخضر، وماركا الأهداف ديال الرجاء بجوج المهاجم المهدي موهوب اللي قدر يسجل بعد مدة من الصيام، وسجل الهدف الأول فالشوط الأول من الماتش وزاد الهدف الثاني فالشوط الثاني.

وبهذا الرباح قدرو الرجاء الرياضي يطلعو للمركز الأول من البطولة الاحترافية مؤقتا برصيد 44 نقطة، في انتظار نتيجة المنافس على الصدارة ليفار ضد نهضة بركان وهو الماتش اللي تأجل، أما حسنية أكادير فالفريق كيحتل مؤقتًا المركز 12 برصيد 20 نقطة.