كود سبور//

تعثر المنتخب الوطني المغربي لأقل من 17 عام فالجولة الثانية من دور مجموعات مونديال U17 المقام بأندونيسيا، بخسارة أمام منتخب الإكوادور اليوم الاثنين عن المجموعة 1.

وسالا ماتش المنتخب المغربي ومنتخب الإكوادور بخسارة الأشبال بنتيجة 2 لزيرو، وماركاو الإكوادور الهدف الأول فالشوط الثاني من الماتش من بيلانتي سجلو لهم الكابيتان بيرمونديز، وبعدها المنتخب الوطني المغربي خرج كيقلب على التعادل والأشبال خلاو المساحات وراهم، وبيرموديز رجع مرة اخرى واستغل هفوة دفاعية ديال الأشبال وسجل الهدف الثاني قتل به الماتش لمصلحة الاكوادور.

الهزيمة ديال المنتخب الوطني المغربي أمام الإكوادور خلات التأهل ديالو إلى الدور الثاني يتأجل حتى الجولة الأخيرة واللي غيكون فيها ماتش مصيري مع إندونيسيا المنظمة للمونديال، ودابا الأشبال تراجعوا من المركز الأول إلى المركز الثاني مؤقتا برصيد 3 النقاط خلف الإكوادور اللي طلعو للصدارة برصيد 4 نقاط، وفي انتظار نتيجة ماتش أندونسيا مولات النقطة، ومنتخب باناما اللي عندو 0 بوان.