كود سبور- نيوجيرسي//

خرج المنتخب الوطني المغربي معادل مع المنتخب البرازيلي فالشوط اللول من الماتش اللي ملعوب بين الطرفين فهاد اللحظات من اليوم السبت فتيران نيوجيرسي فالميريكان ضمن الجولة الاولى من دور مجموعات كاس العالم 2026.

وسالا الشوط الاول بين المغرب والبرازيل بنتيجة واحد لواحد، وماركا المنتخب الوطني المغربي هو الاول بواسطة إسماعيل الصايباري فالدقيقة 21، وقدرو البرازيل يماركيو التعادل بواسط فينيسيوس جونيور فالدقيقة 32، وراه كانو المنتخبات بجوج يقدرو يماركيو هدف آخر على اقل حيث زگلو شي فرص خطيرة واخا عددها قليل.

وغادي يدخلو المنتخبان بجوج فالشوط الثاني يقلبو على اهداف لحسم الرباح فهاد الماتش، وهنا الدور ديال المدرب محمد وهبي من جانب المنتخب المغربي، والطالياني كارلو انشيلوتي من جانب البرازيل، باش يديرو تغييرات فالتشكلية والخطة للتسجيل.