كود – سبور //

بعد ما حطات القرعة المجموعة الثالثة المنتخب الوطني المغربي مع البرازيل، أسكتلندا وهايتي، الجمهور المغربي كيتسنى يتعرف على المدن اللي غادي تلعب فيها ماتشات المنتخب ،خصوصا لي غادي يمشي يحضر ،ولي بزاف منهم كيسولو شحال بعيدة هاد المدن على المغرب وكيداير الجو تما واش لوطيلات والنقل موجودين ؟

فوكسبورو -بوسطن

مدينة فوكسبورو، اللي كاينة بين بوسطن وبروفيدنس، مرشحة باش تستضف ماتشات المغرب ضد أسكتلندا فملعب Gillette Stadium. المدينة صغيرة ومنظمة، ودرجات الحرارة فشهر يونيو كتكون بين 18 و27 درجة، أغلب الجماهير غادي تختار الإقامة في بوسطن القريبة، اللي كتقدم خيارات منوعة من أوطيلات وخدمات نقل سهلة للتيران.،فوكسبورو كتعتبر تجربة ساهلة ومنظمة لمونديال 2026، وكتبعد تقريباً 5,800 كيلومتر من المغرب.

نيويورك / نيوجيرسي

ماتش المغرب ضد البرازيل يقدر يتلعب في MetLife Stadium فنيوجيرسي، اللي كاينعلى بعد 5 دقايق من نيويورك العالمية، المدينة كتجمع مابين بين الحياة الحضرية، التسوق والمطاعم، الحرارة كتوصل فيونيو بين 20 و29 درجة ،الإقامات كثيرة فين يتخير الجمهور من أوطيلات مانهاتن الغالية حتى أوطيلات المتوسطةلي قريبة من التيران ،نيويورك كتقدم تجربة مونديالية كاملة للجمهور، وكتقرب المنتخب من المدن الأخرى، نيويورك بعيدة تقريبا ب 300 تال 400 كيلومتر على بوسطون، ولكن النقل ساهل للجماهير.

ميامي / أتلانتا

مدينة ميامي مرشحة تاهي باش تستاضف ماتش المغرب ضد هايتي في Hard Rock Stadium. المدينة ساحلية وفيها الشمش والنشاط، الحرارة فيونيو بين 27 و33 درجة ولكن الرطوبة طالعة، و بعيدة تقريباً ب 7,000 كيلومتر على المغرب. الجماهير غادي تستافد من لي بلاج، الثقافة اللاتينية، والريسطوارت والبيران بالأشكال والانواع، الإقامة متوفرة حدا التيران وسط المدينة، داكشي علاش ميامي غا تكون تجربة معتبرة

مدينة أتلانتا لي تقدر تكون بديل لميامي لنفس الماتش ، مع ملعب Mercedes-Benz Stadium العصري والمغطي. الحرارة فيها بين 24 و32 درجة، والرطوبة قل من ميامي، والمسافة من المغرب تقريبا 6,500 كيلومتر. المدينة منظمة وكتوفر إقامة مريحة لي بغا الهنا والكالم ويديبلاصا بسهولة للتيران

نصائح للجماهير المغربية

باش الجماهير المغربية تستافد من تجربة مزيانة لمونديال 2026، من الأفضل يحجزوا الإقامة بكري خصوصاً في المدن الكبرى بحال نيويورك وميامي اللي معروفة بالزحام، وينظموا التنقل بين فوكسبورو، نيويورك، وميامي أو أتلانتا باش يسهل عليهم يحضرو لجميع الماتشاش ، خاص الجماهير توجد راسها للطقس لي كيختلف فكل مدينة؛ ميامي سخونة ورطبة، أتلانتا أقل رطوبة، وفوكسبورو معتدلة بالإضافة لان كل مدينة كتقدم تجربة مختلفة، ، باش تكون تجربة المونديال متكاملة لكل مشجع مغربي.