الرئيسية > تبركيك > مونديال 2022: هاكيفاش غادي يديبلاصا الجمهور المغربي لقطر بـ5000 درهم ابتداء من 20 نونبر
29/09/2022 13:00 تبركيك

مونديال 2022: هاكيفاش غادي يديبلاصا الجمهور المغربي لقطر بـ5000 درهم ابتداء من 20 نونبر

مونديال 2022: هاكيفاش غادي يديبلاصا الجمهور المغربي لقطر بـ5000 درهم ابتداء من 20 نونبر

عمـر المزيـن – كود//

قررت وزارة التربية الوطنية والتعليم الأولي والرياضة والجامعة الملكية المغربية لكرة القدم والخطوط الملكية المغربية يطلقو برنامج استثنائي لنقل المشجعين فكأس العالم قطر 2022.

وغادي يبدا برنامج الرحلات اتجاه مدينة الدوحة من 20 نونبر إلى 4 دجنبر، وثمن التذاكر المقترح غادي يكون ثابت بـ 5000 درهما وشامل لجميع الرسوم أي ذهابا وإيابا.

ودارت كل من وزارة التربية الوطنية والتعليم الأولي والرياضة والجامعة الملكية المغربية لكرة القدم والخطوط الملكية المغربية، برنامج للرحلات ما بين كازا والدوحة للسماح للمشجعين المغاربة للتنقل إلى قطر لمساندة المنتخب الوطني المغربي ملي يكون لاعب فنهائيات كأس العالم قطر 2022.

وبالإضافة إلى رحلاتها اليومية والمباشرة بين الدار البيضاء والدوحة ، غادي تبرمج الخطوط الملكية المغربية ، فهاد الفترة ، بزاف ديال الرحلات المباشرة الإضافية بسعة إجمالية كتبلغ 3000 مقعد بثمن ثابت مدعوم كيبلغ 5000 درهم آلي-روتور فالدرجة الاقتصادية.

وغادي يتطرح هاد العرض الموجه خصوصا للمشجعين اللي عندهم تذاكر الماتشات، للبيع فالوكالات التجارية التابعة للخطوط الملكية المغربية خلال الأيام القليلة الجاية.

هاد الرحلات غادي تكون عبر طيارة ” Dreamliner” من نوع بوينگ 787-8 وبوينگ 787-9 ، اللي الطاقة الاستعابية ديالهم كتوصل إلى 274 و302 مقعد على التوالي، وفيهم أحسن شروط الراحة والسلامة.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع