الرئيسية > كود سبور > مونديال 2022.. إيمبولو ماركا على بلادو الأصلية الكاميرون وربح سويسرا 
24/11/2022 12:23 كود سبور

مونديال 2022.. إيمبولو ماركا على بلادو الأصلية الكاميرون وربح سويسرا 

مونديال 2022.. إيمبولو ماركا على بلادو الأصلية الكاميرون وربح سويسرا 

كود سبور//

خسر منتخب الكاميرون الماتش الأول له فكأس العالم قطر 2022، من بعدما انهزم مع منتخب سويسرا اليوم الخميس، فالجولة الأولى عن الكروب 7.

الشوط الأول من ماتش الكاميرون وسويسرا سالا تعادل زيرو لزيرو، والشوط الثاني ماركاو السويسريين بيت الرباح بالدقيقة 48، بواسطة بريل إيمبولو اللي الأصل ديالو كاميروني وعندو الجنسية السويسري ورفض يحتفل بالهدف اللي ماركاه على بلادو الأصلية وهز بدو الفوق وقال للكاميرونيين سمحو ليا.

وبهاد النتيجة خدات سويسرا 3 النقاط وكتصدر لكروب 7، أما الكاميرون عندهم 0 نقطة، فانتظار ماتش البرازيل وصربيا، غادي تلعب الكاميرون الماتش الجاي ضد صربيا وسويسرا ضد البرازيل.

موضوعات أخرى