الرئيسية > آش واقع > مونديال قطر ضرب ثمن لوطيلات حتى 15 مرة. اللي كان ب35 دولار ولى ب500 وشي اوطيلات فيها شي مغاربة ثمنها 12 الف دولار شي صحافيين كيباتو فمراكز اعلامية وشي فجوامع واخرين كراو بونجات فبيت
30/11/2022 13:00 آش واقع

مونديال قطر ضرب ثمن لوطيلات حتى 15 مرة. اللي كان ب35 دولار ولى ب500 وشي اوطيلات فيها شي مغاربة ثمنها 12 الف دولار شي صحافيين كيباتو فمراكز اعلامية وشي فجوامع واخرين كراو بونجات فبيت

مونديال قطر ضرب ثمن لوطيلات حتى 15 مرة. اللي كان ب35 دولار ولى ب500 وشي اوطيلات فيها شي مغاربة ثمنها 12 الف دولار شي صحافيين كيباتو فمراكز اعلامية وشي فجوامع واخرين كراو بونجات فبيت

كود الدوحة ///

من المشاكل اللي واجهوها لمغاربة ومعاهم زوار قطر فهاد المونديال هو الارتفاع الصاروخي لاثمنة الفنادق والاقامات السياحية. باش تكون عندكم فكرة. اوطيل جوج نجوم عادي بزاف كان ثمنو 35 دولار ولى ب500 دولار. الثمن تضرب ف15 المرة. شي قطريين كيقولو باللي هاد الشي دار بموافقة الفيفا وباللي هاد الشي وقع حتى فمونديال روسيا 2018. طبعا ماشي صحيح. ثمن الاقامات والفنادق فروسيا تزاد اييه. ممكن دوبل او اكثر شوية ولكن راه الثمن هنا ماشي غير دوبل ولا تريبل ووو. بزاف

طبعا كاينة بدائل بحال ليكروازيار اللي كيسميوها هنا “اقامات عائمة” او خيام او بحال هاد الشي ولكن هاد الشي ما نزلش الثمن. اييه كاين التراسبور فابور للي عندو “هيا” وخدمات كثيرة النيڤو طالع فيها ولكن الاقامة نقطة كحلا فهاد المونديال.

حسب ما عملته “كود” فشي تقريبا 4 صحافيين كيباتو فالمراكز الاعلامية اللي دارت فهاد المونديال. حاطين باليزتهم فالكوفر اللي كاين فهاد المراكز وكينعسو بينما شي صحافيين خراين كراو بثمن غالي بونجة فبيت. كيتقاسموه مع اكثر من صحافي. حسب شهادة احدهم ل”كود” فكاين اللي كيكري ليك لبلاصة ولا بغيتي طيب ولا تاكل دبر راسك. كاين بات حتى فجامع.

كاين صحافيين كثار هاد العام مقارنة بروسيا. كاين اللي سمع باللي الجامعة ممكن تعطي شي تعويض ليهم وقررو يجيو. اعتاقدو باللي يسكنو ويشيطو. دابا ضربهم الضو. هادو اصلا ما خاصهمش يجيو. شي مواقع ايلى تبدل القانون تختفي. كتسيء لهاد المهنة وطبعا بحال هاد الاحداث لكبيرة كتسيء للوطن. خاص هاد التخربيق يسالي وراه كلشي عندو مسؤولية. مالين المهنة واجهزة فالدولة مكلفة بالقطاع واللي مكلف بالرياضة.

الثمن الغالي للاقامات خلات شي مغاربة يباتو فالزنقة. كيباقو سهرانين حتى 4 او الخمسة الصباح ويضربوها بنعسة فشي بلايص فالدوحة هاد الشي راه ماشي غير لمغاربة اللي داروه وكيديروه. مواطنين من شعوب كثيرة كديرو

موضوعات أخرى

02/02/2023 09:00

بعد زيارة سانشيث للرباط والقمة المغربية – الإسبانية. زيارة مرتقبة لرئيس الحكومة المحلية لجزر الكناري للمغرب

02/02/2023 09:00

كيفاش كتغسل البوليساريو الاموال وكيفاش كتمول الارهاب واش علاقتها بحزب الله. دي فيلت الالمانية الشهيرة فرشات كلشي: اللي بغى يحول لفلوس لتندوف ويرسلها لحزب الله فالمانيا خاصو يدوز على البوليساريو

02/02/2023 08:33

عدم استقبال سانشيث من قبل سيدنا. وزراء: راه خارج المغرب وصحف ومعارضة: اهانة وضربة لحكومتو

02/02/2023 08:00

جدارمية بني ملال لقاو باطوار كونتر بوند دگزار معروف وفيه لحم و2 بكْرات مراض ودابا يالله تشدو 5

02/02/2023 07:00

بانيين فوق أرض في ملكهم ومسجلة ومحفظة.. سلطات بوسكورة هدمات منازل بأولاد بنور عمر المصالحة بدوار «دكالة» والسكان حسو بالحكرة وكيطالبو بحقهم (تصاور +فيديو)

02/02/2023 06:00

نجمة بلاي بوي باميلا أندرسون: كنتعصب ملي بنادم كيشوف فيا غير البزازل وكينساوني كبنادم