كود سبور//

توج المنتخب البرازيلي لكرة القدم داخل القاعة بكاس العالم للفوتسال، بعدما ربح اليوم الأحد منتخب الأرجنتين فالفينال.

وسالا الماتش بين البرازيل والأرجنتين فقاعة هومو أرينا بالعاصمة الأوزبكية طشقند، بنتيجة 2 لواحد لمصلحة السامبا، اللي قدرو يربحو كاس العالم للمرة 6 فالتاريخ ديالهم.

للإشارة فمنتخب البرازيل هو اللي كان قصى المنتخب الوطني المغربي فربع نهائي كاس العالم قبل أسبوع، غير برز فمدينة بوخارى فأوزبكستان بنتيجة 3 لواحد، ولكن النتيجة لا تعكس مستوى أسود الفوتسال تحت قيادة المدرب هشام الدگيگ، اللي دارو ماتش كبير لدرجة أن البرازيليين رجعو اللور يدافعو، وكان المنتخب المغربي متأثر بزاف بغيابات اللاعبين اللي توعتو.