سهام إباروري- كود
—
بمناسبة عيد المرأة ناضو شي رجال فافغانستان لبسو الخمار وتساراو بيه فشوارع كابل العاصمة وسط الناس! بالمقابل عندنا فالمغرب و احتفالا بنفس المناسبة ناض مومو المنشط فاذاعة هيت راديو دار الماكياج فنص وجهو زعما رد وجهو نص مرا نص راجل …فالحالات بزوج كايبقا هاد اسلوب التضامن رمزي و الغرض من انو بنادم يفكر شوية و يطرح على راسو مجموعة د الاسئلة لي يمكن ماعمرو طرحهم فحال” الى كنت مثلا مرا و ماشي راجل كيفاش كنت غانعيش فالمغرب؟” ” واش كنت غانكون فرحان نعيش مع المغاربة و لا لا ؟ ” “واش كنت غانعيش حياتي كيما بغيت و لا لا ؟”
المشكل انو هاد المبادرة مرت مرور الكرام فكابل و الرجال لي لبسو فحال العيالات دازو فالزنقة بيخير و على خير و الناس فهمو الغرض من داكشي و كلشي داز مزيان ! طبعا بالنسبة للمغرب مايمكنش مبادرة فحال هادي دور بيخير و على الخير حيت الهايش مايش ماكايفهمش الرمزية و التضامن و عيد المرأة و داكشي ! بالنسبة ليه راجل دار الماكياج راه ز….! و صافي ! ناضو هبطو على الصفحة د السيد ففايسبوك بالسبان و المعيور و عايرو ليه طواسلو و صبنوه صابون تازة ! مهم ماخلاو فيه غير لي نساو ! الا واحد القلة قليلة لي شوية فاهمة و واعية .علاش هادشي كامل ؟ حيت دار الماكياج !!
الفايسيوكيون المغاربة صدقو اكثر عدوانية و همجية من الافغان ! ايه نعام ا سيدي افغانستان و تلقى معاهم السلاك ! و الهايش مايش فمو خانز حيت الاغلبية لي سبو مومو ماعرفوش اصلا علاش مديور داكشي غير بانت ليهم التصويرة و هوما يطلقو عروقهم على السيد !
الصراحة هاد وسائل التضامن بهاد الطريقة راه ماصاحلاش مع بنادم جاهل و مكلخ ، هادشي كايديروه الناس لي كايعرفو ليه و لي عندهم ادب الحوار و التعامل ، اما الهايش مايش راه صعيب يفهم فحال هادشي حيت هو مبروكرامي من صغرو على النظرة الدونية للمرأة و اي حاجة عندها علاقة بالمرا راه بالضرورة ناقصة و معيورة ! “سير ا المريوة ” معيورة خايبة لا تقالت لشي ولد ! على اساس انو طبعا تكون راجل راه احسن من انك تتزاد مرا ! حيت الرجل رمز للقوة و المرا رمز للضعف … بكل بساطة هادي هي الفكرة لي كايترباو عليها بزاف د المغاربة “كون راجل ” ” ماتبكيش نتا راجل ماشي مرا ” !
“ماتخافش نتا راجل ماشي مرا ” … “الرابح من المرا و الخاسر من المرا ” …و هاكا بشوية بشوية تاكايكبر بعرور وهو حاس براسو شديد و حسن من المرا و اي حاجة مرتبطة بيها راه لابد ماتجيه معيورة! و نهار كايبان ليه شي واحد فحال مومو دار شي ومحاولة فحال داكشي لي شفنا فا ضروري انو بعرور يتفركع على السيد لي مادار ليه والو و يجيه مومو ماشي راجل!
واش الرجولة هشة تال هاد الدرجة باش تخافو عليها من شوية د الماكياج فاطار حملة تضامنية ؟ مايمكنش زعما شي نهار انو بعرور يوعى شوية و يرقا و يحاول يفكر ابعد من ك… ؟و فعوض مايمارس الهمجية ديالو فالانترنيت على ناس مادارو ليه والو يمشي يقضي لي ينفعو فحياتو؟
الغريب انو فالعقلية المغربية كاينين شي “احكام مسبقة” على بعض الشعوب لي مع الوقت كاتبان لينا انها غالطة ! حيت مثلا لا عقدنا مقارنة بين هادشي لي وقع فافغانستان بلاد طالبان و القاعدة و الارهاب و بين هادشي لي وقع فالمغرب الدولة الحداثية ذات الاسلام المعتدل راه غايبانو لينا الافغان حسن منا و بزاف فالتعامل ديالهم مع مجموعة من الظواهر ! حنا السيد غير زوق نص وجهو بالماكياج و سميناه ز… و عنيبة و مايسواش و ماشي راجل و و و ! اما كون لبس لباس د العيالات كورا شيرو عليه الهايش مايش بالحجر فالزنقة ! يا ودي يا حقوق المرأة يا ودي … بنادم عندنا مدعشش اكثر من هادوك لي عايشين فالدولة الاسلامية ! و كايقولك “داعش لا تمثلني ” ! واش كاين شي “تدعشيش” اكثر من هادا لي كانشوفو مع هاد الناس؟
وا عاون الهايش مايش باش يشري اورديناطور و دير ليه الكونيكسيو ابتداءا من 5 دراهم و خليه تاهوا يفتح فايسبوك و يولي عندو فضاء و مساحة للتعبير و تفرج فيه ديك الساعة كايتقيى الهمجية و العنف و الكبت ديالو على سيادو … قال حرية تعبير قال !
“كل يرى الناس بعين طبعه”
وهذه تقال عندما يصفك شخص بصفة ليست فيك بل فيه هو…
Well, since 3endna sa7afa katkteb b had l’2ossloub… Kibghito ykon cha3b
Hta 7aja mam9adda 3ndna f l’blad, ni bnadem f 3e9lo ni sa7afa ni siyassa
Thanks god 7én 3lia w khwit l’blad (wakha mwe7echHa) walakin lahoma ntwe7echHa ghir mn b3id ^^
BIEN A VOUS
bayna ghir men l osloub bach katketbi, wach f nadarek hada moustawa ta9afi kaykteb bih l insane lah i3fou 3lina ou 3lik
الله يعطيك الصحة نجوى.
salam cv rah hadchi 3adi rah howa ghir daman m3a lemare machi howa wla mra ghir hna lemgharba kandiro man lehaba 9oba o safi dakchi rah daz o fat
من الأسلوب ديالك باينة علك نتا لي مامربيش أو هادوك لي كاتڭول عليهم الهيش مايش هم أشخاص بحالك متل باعوضي عفوا بغيت نڭول ( الماغودي ) تبا لك و شكرا
دبا نتي ش حسن من هاذ الناس لهدرتي علهم شبعتي فبنادم سبان احسيتي براسك فمرتبة عالية عليهم طلعتي كرف تربية الزنقة حتى نتي عطاوك فضاء فين تعبري طلقتي الهمجية والكبة ديالك
تحليلي نفسي لشخصيتك يدل على انتمائك انتي صاحبة مقال الى هيشميش
ا شريف الله يهدينة و يهديك راكو رديتو من لمرا مشكلة ,راه ربي اخلق راجل راجل او لما امرا او كل واحد او دور اديالو فالدنيا ,انتا راجل تقدر تدير الكرش كي لمرة انتوما باغين اتردو لمرة راجل او راجل امرا غير اخرجنا اعلى الدين او اش كيقول ,الحرية الحرية واش كتحداو الي خالقك ,اخلق الحياة و الموت ,السعادة و الحزن ,الخير و الشر, الكافر و المومن ,القوي و الضعيف الغني و الفقير,اوا سير انتا ا سدي اتحد الخلق او قولوا راكاخلقتني ادعيف اوفقير اعلاش ,اخلقت لمرا مخلوق ادعيف اعلاش , اعلاش لمرا متكونش كي راجل اعلاش ,اعلاش راجل ميكنش كي لمرا اعلاش,اعلاش قلت لرجل مثل حض الانتيين ,اعلاش الرجال قوامون على النساء ,اعلاش قلت لعن الله الرجال المتشبهين بالنساء والنساء المتشبهات ب الرجال اعلاش,او سولو اعلاش افرضت الحجاب ,اربي اعلاش اخلقت ادم هواللول ف لحيات ,او اعلاش الشيطان مجود اعلاش ,اوا اخويا الي كتب هاد المودوع اوا ياله اتحدا الله او عارضوا اعلا خلقوا , واش اسحابلكاحنا بنوا ادم اعلاش اتخلقنا , غير قولي الي خلقني او خالقك واش اصعيب اعليه يخلق ف الكون غي النساء ولا غي الجال ,ولا يخلق الامم كامله مسلمة او يخلق غير السلام ال يخلقنا كنطيرو كي الطيور , ا صاحبي ف الدنيا غير فيتين ,زدنا او غدي انموتو اوا مال لمرا مرادياش بلي اخلقها امرا او راجل هو الي اقوم اعليها , او شيطانانتاع الانس او الجن راه امشا عند لمرا او قليها راه حقك مهدوم اتحرري او خجي من هاد الدين الي قالك ديري الحجاب الرجال الي قوامون اعليك وا توي يا لمرة او ردي راجل امرة كي ابحال دار مومو او من بعد سوف تحكمين العالم ,
مقال روعة ، بصراحة الهمجيين و المتخلفين كل يوم في تزايد في المغرب حتى الواحد عندما يذهب الى المغرب كيسحاب راسوا دخل غابة ديال الحيونات الغبية الله يطيرهوم و ينقي المغرب منهم
كان الاحرى بتوتو ان يترك المراة في هدا اليوم
فلما اقتحم هدا الرجل يومها و أرد مدايقتها حتي في اليوم الوحيد الدى تحتفل به
هده ليست شهامة و لا رجولة