كود – كازا //

انطونيو روميو واحد من الثنائي الموسيقي Los del Río ومول الأغنية المشهورة “ماكارينا” معجبوش الحال حيث تسعملات النسخة ديال اغنيتو كموسيقى تصويرية لفيديو نشرو البيت الأبيض فمواقع التواصل بحال TikTok واكس واللي فيه لقطات  ديال الهجمات الأمريكية على إيران .

و فحوار مع قناة Canal Sur Televisión، قال أنطونيو روميرو بلي حس بالتبوريشة ملي سمع موسيقى “ماكارينا” ففيديو بحال هادا و قال:“أنا درتها باش نعطي الفرحة والحياة   فالعالم، ماشي باش تمشي مع القتيلة د الناس”.

https://x.com/i/status/2029147691809185935

وزاد گال “ ملي كدير أغنية كتخرج للعالم كامل، وكتولي مشهورة بزاف وخا دوز عليها 33 عام  فراه اي واحد يقدر يستعملها بالطريقة لي بغا، ولكن وخا هكاك أكد بلي الهدف ديالو كان هو ينشر الفرح ماشي العنف، وزاد تسائل :

“علاش الحكومة الأمريكية خاصها تستعمل حاجة زوينة ومضحكة بحال هاد الأغنية ففيديو فيه قصف إيران؟”.
ياك الأغنية جاية من أرض السيدة العذراء، و النجاح الكبير ديالها مرتبط حتى بـ Virgin of Hope of Macarena لي كاين تمثالها  فإشبيلية.

وفالأخير قال الفنان :“شنو ذنب فرقة لوس ديل ريو إلا كانت أغنية ماكارينا هي الأكثر شهرة فالعالم والناس كيستعملوها كيف ما بغاو؟”.