كود سبور//

تأهل كل من مولودية وجدة وفريق أولمبيك الدشيرة ليلة الأربعاء- الخميس إلى ربع نهائي كاس العرش، وهما أول المتأهلين لهاد الدور من المسابقة بينما تلعبو الماتشات ديال الثمن هاد السيمانة.

وربحو أولمبيك الدشيرة اللي كيلعبو فالقسم الثاني فريق أمل تيزنيت فثمن النهائي بنتيجة 3 لزيرو، وغيلعبو فربع النهائي مع اللي المتأهل من نهضة الزمامرة اللي كيتسنا فثمن النهائي المتأهل من سدس عشر النهائي بين نهضة بركان والجيش الملكي، (ماتش بركان وليفار مؤجل حيث براكنة لاعبين كاس الكاف).

أما ماتش مولودية وجدة الممارس فالقسم الأول ضد الراسينگ البيضاوي الممارس فالقسم الثاني، فسالا الوقت الأصلي والشوطين الإضافيين منو بنتيجة التعادل الإيجابي 2 لجوج، وقدرو مولودية وجدة يربحو بالبيلانتيات بنتيجة 4 لواحد، وتأهلو لربع النهائي وغيلغبو ضد المتأهل من ثمن النهائي بين أولمبيك خريبكة واتحاد التواركة.