كود فاس ///

علمت “كود” ان الامير مولاي رشيد كيختم اولادو مولاي احمد ومولاي عبد السلام فاقامتو فالرباط. جرت العادة عند العلويين قبل هاد العملية يزورو مولاي ادريس بفاس. هاد الشي اللي دارو الامير ول البارح لثلاث 8 ابريل 2025 مع وليداتو ومراتو لالة كلثوم.

حسب مصادر “كود” الحفل الختان غادي يكون بعدو جوج حفلات. وحدة غدا واخرى بعد غدا الجمعة.

لمغاربة ديما كيديرو حفلات فالختان. عندهم حدث يستاحق الاحتفال. كيكون الولد “سلطان” فهاد النهار. الامراء ولاد الامير مولاي رشيد غاديين يعيشو هاد الحدث. الامير عرض على العائلة وصحابو والاقارب لهاد الحدث

شفنا الامير احمد ولدو مع باباه فاكثر من مناسبة اخرها فحفل ليلة 27 رمضان الاخيرة وبعدها صلاة العيد.