وكالات//

بزاف ديال الشباب المغاربة اليوم، لي كيلعبو القمر كيراهنو على موقع Bet365 وقليل لي عارف القصة ديال هاد الموقع وشكون مولاه، ولا مولاتو.

مولات هاد الموقع هو واحد المرأة نكليزية، سميتها دينيتس كوتس، تزادت فواحد القرية صغيرة وهاد القرية هي لي باقي فيها موقع الشركة إلى اليوم.

فبداية التسعينات من القرن الماضي، بدات كوتس المشروع ديالها، ودابا عندها أكثر من 90 مليون كليان ف العالم، وربحات الشركة 4.3 مليار دولار، غير ف عام 2023.

على حساب مقالات وكالة بلومبورغ الميريكانية، فكوتس خدات النسبة الكبيرة من الفلوس لي ربحات الشركة حينت عندها 58 فالمية من الأسهم، وهادشي كيعني أنها ضربات تقريبا 2 د المليار دولار ف عام واحد غير بوحدها.

وكتقول الوكالة الميريكانية أن كوتس ولات من أكبر الميليارديرات ف العالم، والصالير ديالها فات الصالير لي كياخد ساندر بيتشاي لي هو المدير التنفيذي ديال غوغل ولي مافاتش 200 مليون دولار العام لي فات.