كود سبور//

غايتفرجو الوداد الرياضي مجموعين فقرعة كأس العالم للأندية “المريكان 2025″، وهي المسابقة اللي مشارك فيها الفريق الصيف الجاي.

وجمع الجنوب إفريقي رولاني موكوينا مدرب الوداد الرياضي اللاعبين د الفريق وعلمهم أنهم غايتفرجو مجموعين فقرعة كأس العالم للأندية، اليوم الخميس فالعشية فتيران بنجلون فكازا.

للإشارة فالوداد الرياضي غايكون ممثل فقرعة كاس العالم للأندية برئيس النادي هشام أيت منا والأسطورة نور الدين نيبت، والقرعة غاتبدا اليوم مع 7 العشية.