كود سبور//

هرب الجنوب إفريقي رولاني موكوينا براسو من الجزائر، بعدما حكمو عليه تما بالسورسي وحجزو له على الدوفيز وعطاوه يخلص غرامة، ومشى يخدم فليبيا وسط شكوك كاتحوم على تعرضو لمؤامرة حيث قرر يمشي من مولودية الجزائر وما يبقاش معهم واتفق معه يعطيوه صاليرات ديال شهيرين.

وسناو الاتحاد الليبي مع رولاني موكوينا باش يدربهم خلال المرحلة المقبلة، وبعدما خلى مولودية الجزائر اللي كان ربح معهم كاس السوبر الجزائري وخلاهم متصدرين البطولة الجزائرية.

للإشارة فموكوينا كانت عندو تجربة فالمغرب العام اللي فات مع الوداد الرياضي، وكان عايش مرتاح ومزيان واخا النتائج ما كانتش مزيانة مع الفريق الأحمر اللي قرر يتفارق معه مع نهاية الموسم الماضي.