كود سبور//

تقلق رولاني موكوينا مدرب الوداد الرياضي من بعد تعادل الفريق مع الفتح الرياضي، برسم الدورة 24 من البطولة الاحترافية فتيران العربي الزاولي، وما قدرش يكمل الندوة الصحافية.

وهضر رولاني موكوينا بعد تعادل الوداد الرياضي مع الفتح الرياضي بنتيجة 2-2، قبل ما يطلب المسامحة من الصحافيين وخرج، وقال موكوينا: “أنا أول مرة كانصوم رمضان باش نحس بداكشي اللي كايحسو به اللاعبين ومصدوم ومتفاجأ حيث الجمهور ما كايشجعهمش بشكل كافي، واخا قدرو غير فـ10 الماتشات يجمعو نقاط بزاف وولاو هما الثانيين”.

وكمل رولاني موكوينا وقال: “حتى أنا باغي نلعب شومبيونزليگ وما كاينش شي واحد متشوق يلعبها بحالي، وجاوني فرص نمشي لأندية لاعبينها هذا العام، وفضلت الوداد على الرجا وليفار اللي لاعبين دوري الأبطال بسبب الجمهور ديال الواك اللي هما أحسن مشجعين فالبطولة، وخاصكم تشجعو اللاعبين وبقى فيا الحال ملي جمهور بركان شير عليا بالقراعي وكانت يالاه ماتت ليا جداتي بسيمانا”.