كود سبور//

فرش الجنوب أفريقي رولاني موكوينا مدرب الوداد الوداد الرياضي، رئيس النادي هشام ايت منا والتسيير العشوائي ديالو، واكد انه بالفعل كايتسال شي فلوس وداكشي علاش خاصو يتخلص فرزقو عاد يفسخ مع النادي.

وجاوب رولاني موكوينا واحد من جمهور الوداد الرياضي، وقال له: “لا أسعى للحصول على مبالغ طائلة من المال ولا أتمسك بدوري، ولأشهر، وانا انتظر ببساطة حقوقي الأساسية، وهي ليصالير ديالي اللي ما مخلصش فيهم وهما حقي وما غاديش نعارض الانفصال على النادي”.

وكايحط هذا الشي رئيس الوداد الرياضي هشام ايت فموقف محرج امام الوداديين مرة اخرى، حيث كاينين شي وداديين بقدر ما تيقو الوعود ديالو اللي ما تحقق منها حتى شي حاجة هذا الموسم بالخروج بزيرو لقب، ولى كايصحابهم ان موكوينا عايمشي ويسمح فرزقو، وبالمقابل راه مجموعة كبيرة من الوداديين ومنهم كروب وينرز عايقين بالوعود الكاذبة ديالو وحدروه كثر من مرة يبدل الطريقة ديالو فتدبير الوداد.