گود سبور//

شكر رولاني الجنوب إفريقي رولاني موكوينا مدرب الوداد الرياضي، مكونات النادي برئاسة هشام آيت منا، حيث خلاوه يمشي لبلادو يحضر جنازة جداه اللي توفيت قبل ايام.

ونشر رولاني موكوينا سطوري على إنستغرام ديالو، من الجنازة ديال جداه وكتب عليه ميساج شكر للوداديين، وقال: “شكر خاص لنادي الوداد والرئيس هشام ايت منا، اللي سمحو ليا نكون مع العائلة، وبين مرة اخرى أنه رئيس ورجل عظيم وكايثيق فالموظفين ويقدم الدعم للعائلة”.

وكانت مكونات الوداد الرياضي عبرت عن عزائها لرولاني موكوينا فالوفاة ديال جداه وتضامنها معه، وسمحت له يسافر لجنوب إفريقيا باش يكون مع عائلتو فهاد الوقت الصعيب.